Ísraelski verjumálaráðharrin, Israel Katz, sigur, at fráboðanin hjá Hamas um, at tey fara at lata líkini av fýra ísraelskum gíslum í dag, er ein "manglanda útinnan av teirra skyldum" í mun til avtaluna, sum tey hava gjørt við Ísrael.
- Ein og hvør seinking ella tilætlað undanførsla verður mett sum grovt brot á avtaluna, og tað verður svarað hóskandi uppá, sigur verjumálaráðharrin í einum uppslagi á sosiala miðlinum X.
Sambært avtaluni skuldu allir 48 gíslarnir latast leysir av Hamas í seinasta lagi 72 tímar eftir, at vápnahvíldin kom í gildi fríggjamorgunin.
20 gíslar, sum enn eru á lívi, eru latnir leysir í dag, meðan Ísrael væntar, at 28 av teimum gíslunum, sum eru eftir, eru deyðir.
Hamas hevur áður víst á, at tað kann taka longri tíð at fáa líkini av nøkrum deyðum gíslum aftur, tí tey kenna ikki allar grøvir teirra, skrivar tíðindastovan Reuters.
