Íslendska sendistovan í Føroyum – ella »Aðalkonsulát Íslands í Føroyum«, sum er almenna heitið – er flutt úr Áarstovu í Gongini 3 í Havn, har sendistovan hevur hildið til síðani 1. apríl í 2007, tá hon varð sett á stovn. Fyri ta tí hevði Ísland konsul í Føroyum, og tann síðsti í røðini var Poul Mohr, skipasmiðjustjóri. Poul Mohr røkti starvi sum íslendskur konsul í Føroyum frá 1985 til 2007
Síðani 1. apríl í 2007 hevur Ísland havt aðalkonsulát við egnum sendiharri, sum í løtini er Þórður Bjarni Guðjónsson íslendskur aðalkonsul í Føroyum.
Þórður Bjarni er triði aðalkonsul síðani broytingina í 2007. Hinir hava verið Eiður S. Guðnason (2007-2009) og Albert Jónsson (2009-2011)
Nýggi bústaðurin hjá íslendska konsulátinum er kortini ikki so langt frá fornu húsinum Fútastovu í Gongini. Konsulátið húsast nú í Ydun, sum er í Reyngøta 9, beint oman fyri Doktaragrund úti á Reyni, skamt frá Gongini, har skrivstovan læt upp týsdagin.
– Tað hevur verið góð og gevandi tíð at starvast í Fútastovu, og vit eru vís í, at tað heldur áfram í Ydun. Vit gleða okkum at síggja tykkum í okkara nýggja bústaði, siga tey av íslendsku sendistovuni.
