Innasta mið hjá havnar­monnum sprongt í luftina

Soleiðis fer verðin við øllum... Fyri at fáa betri pláss fyri skipferðsluni á havnarvág, so hevur Tórshavnar kommuna gjørt av at spreingja kneysar burtur út fyri Tinganesi. Ætl­anin var eisini at dýpa meira eyst­an fyri Ting­a­nes fyri at fáa pláss fyri bæði Norr­ønu og Smyrli við Bursa­tanga, men hendan ætl­anin varð steðg­að av frið­ing­ar­mynd­ug­leik­u­num.

Hóast ristingarnar av spreing­ini út fyri Tinganes merkj­ast langt niðan í býin, so be­dýra menn, at eingin vandi eg fyri fornminnunum í Ting­a­nesi og á Tinghelluni.

Mourits Mohr Joensen á Hav­stov­uni, sum hevur kann­að tús­und­tals mið og hevur nógv­ar mið­a­bøk­ur liggj­andi sig­ur, at havn­ar­menn brúktu Inn­ast­a­mið, tá høg­ætt var, og tað ikki var far­andi úr í fjørðin.

Innasta mið var ein ham­ari, beint utt­an fyri Ting­a­nes, hálv­an­ann­an favn niðurav. Har fing­ust oft­ast nakr­ir reyð­fisk­ar.
Ýtini fyri miðið eru: Kirkju­torn­ið, Amtmanstornið og Skanskapakkúsið.