Aðalorðaskifti0
Á tingfundi í dag fer Løgtingið at hava aðalorðaskiftið um frágreiðingina, sum Jørgen Niclasen herfyri legði fram um framtíðar fiskivinnupolitikkin.
Jørgen Niclasen sigur, at endamálið við frágreiðingini er at birta upp undir eitt fiskivinnupolitiskt orðaskifti.
? Frágreiðingin er ætlað, sum ein stevnuskrá fyri framtíðina, ið saman við niðurstøðunum frá orðaskiftinum í Løgtinginum, verður grundarlagið undir at seta fiskivinnupolitisku kósina framyvir, sigur Jørgen Niclasen
Ikki kollveltandi broytingar
Fiskivinnuráðið hevur havt frágreiðingina til viðgerðar og tað heldur ikki, at lagt verður ikki upp til kollveltandi broytingar í fiskivinnupolitikkinum.
? Hetta er ein frágreiðing, sum ?signaliserar stabilitet?, heldur Ráðið.
Fiskivinnuráðið metir, at tilfarið er eitt gott yvirlit yvir, hvørjar reglur og viðurskifti annars eru galdandi í fiskivinnuni. Í onkrum broti kann tó vera eitt sindur trupult at finna greiðu á, hvat ið er galdandi reglur, og hvat er stevnumið.
Á hesum fundinum í Fiskivinnuráðnum vóru Maria F. Róin, sum er formaður, Marita Rasmussen, sum umboðar Ráfiskakeyparafelagið, Óli Jacobsen fyri Fiskimannafelagið), Auðunn Konradsson fyri Meginfelag Útróðrarmanna, Gunnbjørn Joensen, sum umboðar Reiðararfelagið og Osmund Justinussen, ið eisini umboðar Reiðararfelagið, umframt Eyðfinn Finnsson, sum er skrivari hjá ráðnum.
Ikki semja
Fiskivinnráðið sigur, at í ráðnum var serligur áhugi fyri tí, sum stendur um rættindini at keypa og selja fiskirættindi.
? Semja er ikki í ráðnum um umsetiligheit, onkrir limir vilja hava størri umsetiligheit, aðrir ikki, onkur limur tekur undir við uppskotinum um, at markið fyri umsetiligheit millum bólkar verður flutt úr 40 tonsum niður í 15 tons, onkur mælir til, at einki mark skal vera fyri umsetiligheit millum bólkar, meðan umboðið fyri Meginfelag Útróðrarmanna mælir til, at markið verður flutt uppá 110 tons soleiðis, at skott verður millum útróðrarflotan og skipini, sigur Fiskivinnráðið.
Annars sigur Fiskivinnráðið, at fiskivinnan á landi tekur fult út undir við at størri dentur verður lagdur á gransking og menning , og at vinnan sær fram til at síggja fiskivinnupolitikkin á hesum øki verða framdan í verki.
Tó vísir ráðið á, at biotøkni, sum helst er eitt vakstrarøki í fiskivinnuni framyvir, ikki er nevnt í frágreiðingini
