IFK Norrköping er svenskur meistari í fótbólti fyri fyrstu ferð í 26 ár. Talan er um trettanda meistaraheiti hjá IFK Norrköping.
Undan seinasta umfarinum í Allsvenskuni, sum besta deildin í Svøríki verður nevnd, høvdu trý lið møguleikan at vinna svenska meistaraheitið. IFK Norrköping var undan dagsins dysti ímóti Malmö FF á útivølli bert eitt stig frammanfyri IFK Göteborg, sum lá tvey stig frammanfyri AIK Stockholm.
IFK Norrköping greiddi sína skyldu við at vinna torføra útidystin ímóti Malmö FF 2-0. IFK Göteborg fekk bert javnleik 2-2 heima ímóti Kalmar, og so kundi IFK Norrköping feira fyrsta meistaraheiti í 26 ár.
AIK Stockholm fekk bert javnleik 1-1 ímóti Örebro á útivølli, og má taka til takkar við bronsukrónunum.
Falkenbergs FF, Halmstad og Åtvidaberg flytur niður í Superettan, sum næstbesta deildin nevnist. Gamla felagið hjá Finni Justinussen, Jönköpings Södra, Östersunds FK og Sirius flyta upp í Allsvenskuna.
Malmö FF, sum hevur verið eitt sterkt lið seinnu árini, og hevur havt góð úrslit í Champions League bleiv bara nummar fimm í Allsvenskuni í ár.
