Unga kvinnan úr Sandi, Lillian Dalsgaard, býr í Meksiko har hon arbeiðir sum ferðaleiðari. Jólini og nýggjárið eru hásesong hjá ferðavinnuni, og Lillian er tí ikki heima í Føroyum um jólini.
Lillan er óivað best kend sum ein av songkvinnunum úr gentubólkinum Faroe5, og hon ætlar sær í kirkju um jólini, at lurta eftir tónleikinum, hóast hon ikki skilur málið.
- Tónleikurin er so fantastiksur og hevur ikki nakað ávíst mál sum so, so eg kann sjálvandi sita har og murra við tá sangirnir í kirkjuni verða spældir. Tónleikurin er jú so hugnaligur og hevur stóran týdning fyri meg, eisini um jóltíðir. Eg plagi at seta meg út á svalan um kvøldarnar og lurta eftir føroyskum jólatónum. hetta er við til at gera at eg gloymi hvussu langt heimanífrá eg eri, greiðir hon frá.
