Hóast hybridbilurin, Toyota Prius, hevur verið á marknaðinum síðan 1997, er tað fyrst nú, at hann kemur til Danmarkar. Orsøkin er, at danska stjórnin ikki hevur vilja givið hesum umhvørvisvinarliga bilinum avgjaldslætta. Nú hava danir tikið avgerðina um at taka bilin heim og vóna, at danska stjórnin, eins og fleiri stjórnir í Evropa, fer at geva bilinum ans, og at hann sleppur undan ov stórum avgjøldum.
Toyota Prius er ein bilur við tveimum motorum samanbygdum motorum sum supplera hvønn annan. Bensinmotorurin er ein 4 syl. við 115 hk, meðan el-motorurin hevur 68 hk.
Í orðabókini stendur at "hybrid" merkir nakað við at blanda, og ein hybridbilur er ein bilur sum í minsta lagið hevur tveir motorar, sum brúka ymiska drívmegi, sum t.d. Prius sum brúkar bensin og el. Hybridkonseptið virkar soleiðis at bensinmotorurin og el-motorurin supplera hvønn annan og syrgja fyri at bilurin altíð koyrir optimalt, bæði hvat kraft, økonomi og umhvørvisvernd viðvíkur.
Battaríini, sum liggja í dúrkinum, geva streym til el-motorin og verða lødd upp av bensinmotorinum. Fyri at bilurin ikki skal verða ov tungur, er stórur partur av plátulutunum gjørdir úr aluminium.
Prius hevur elektroniskt "start & stop", t.v.s. at tá bilurin stendur stillur, steðgar motorurin og startar aftur, tá bilførarin traðkar á spitaran. Girstongin, er eitt lítið elektroniskt joystick í instrumentborðinum. Bilurin hevur allar tær vanligu elektronisku trygdar- og hjálparskipanirnar, sum eru í nútímans bilum.
Bæði FDM / Motor og Motor-Magasinet hava royndarkoyrt bilin, ið er sera ljóðleysur at koyra, serliga tá hann koyrir við el-motorinum, men eisini við bensinmotorinum.
Toyota er av tí fatan at hybridtøknin er eitt tað mest realistiska boðið uppá ein optimalan umhvørvisvinarligan familjubil. Frá Reyni Service verður sagt, at teir hava tikið avgerð um at taka bilin til Føroyar, samstundis sum hann kemur til Danmarkar.
Toyota Orius II Hybrid
Motorur I1,5 litur 4 syl bensin 78 hk
Motorur IIEl-motorur við 68 hk
0-100 km/t10,9 sek
Bensinnýtsla23,0 km/l
Stødd og vekt
Longd445,0 cm
Breidd173,0 cm
Hædd149,0 cm
Eginvekt1300 kg
Søluumboð Reyni Service
Vegurin Langi
FO-188 Hoyvík
Tel. 353040
www. reyniservice.fo
