Persónliga trúgvi eg, at tær samkomur, sum vilja vera við í hesum tiltaki, koma at uppliva Guds signingar, tær vilja síggja menniskju koma til Harran og fáa vøkstur í samkomuni.
Eisini trúgvi eg, at tann vanligi føroyingurin, sum ikki eigur Jesus, vil síggja garðarnar ímillum samkomurnar falla niður, hetta vil spreingja mørk og vil skapa veking í okkara landi.
Mín inniliga bøn er tí, fyri okkum, sum standa í leiðslu, at vit vilja taka ímóti hesum tiltaki, standa øksl ímóti øksl og stuðla hvørjum øðrum. Tá trúgvi eg, at Harrin vil opna himmalsins slúsur, og Andi Guds vil opinbera krossins evangelium í hjørtunum á Føroya fólki.
Vinarliga í Kristi,
Keldan í Skálafirði
Pauli Høj, fyristøðumaður
