Tað er nú ein farin tíð, at bilførarar máttu steðga við tunnilsmunnarnar í Leirvík og Gøtu tá okkurt áhugavert var í útvarpinum, tí signalið hvarv í tunlinum. Landsverk hevur nevniliga sett útgerð upp í tunlinum, ið ger at fólk nú hoyra allar rásirnar tá koyrt verður í tunlinum.
Landsverk upplýsir á teirra heimasíðu, at talan er um sama slag av sendiútgerð, ið varð sett upp í Kollfjarðartunlinum í 2012. Íløgan liggur um 400.000 krónur.
Við Leivíkstunlinum hoyrast útvarpsrásirnar nú í sjey av ferðslutyngstu tunlunum í Føroyum. Hinir eru Vága- , Norðoya-, Hovs-, Norðskála-, Leyna- og Kollfjarðartunnilin.
