Holgar Jacobsen heldur, at árið, sum fór, hevur verið sera gott, og hann heldur eisini, at lívið nú aftur smílist eitt sindur til hansara, sum hann sjálvur tekur til.
- Í árinum, sum fór, bleiv eg abbi fyri triðju ferð, og so vóru daman og eg eisini á Kos í Miðjarhavinum, sigur kendi fólkatónleikarin í Vágum.
Hann heldur fyri, at tíbetur hava tær minni góðu upplivingarnar í undanfarna ári ikki verið so nógvar. Treyðugt so, okkurt hóttafall kemur av og á, men lívið lærir, at summi ting fáa vit ikki gjørt so nógv við.
- Málið er altíð at gerast meira produktivur, og vónandi fái eg okkurt útgivið í 2019, og at míni nærmastu hava tað gott. Eisini vil eg ynskja øllum eitt gott nýggjár, sigur Holgar Jacobsen.
