Hørður Askham, sonur Heðin Askham, er ársins ungi leikari.
Undanfarin ár hevur Ársins stjørnuskot verið valt, men fyri at gera tað meiri greitt, er bólkurin broyttur í ár, soleiðis at tað nú eitur Ársins ungi leikari – og hetta fevnir um allar leikarar, sum hava aldur til U21-landsliðið og yngri lið.
- Hetta hevur gingið ógvuliga skjótt hjá mær, so hetta eri eg ómetaliga fegin um. Eg havi spælt aðrastaðni á vøllinum fyrr, men nú vil eg siga, at eg eri miðverji.
Hørður Askham hevur spælt 32 dystir fyri B36 í ár, og fimm landsdystir fyri U21-landsliðið. Teir báðir, sum komu næstir í kappingini um at gerast ársins ungi leikari eru Teitur M. Gestsson hjá HB og Árni Frederiksberg úr NSÍ.
Ársins stjørnuskot, sum tað æt í fjør, var Páll Klettskarð hjá KÍ.
Á hesari leinkjuni sæst løtan, tá Hørður Askham og Kára Djurhuus vóru heiðraði, sum ársins ungu spælarar: http://www.youtube.com/watch?v=m3yK0KT16w0&feature=youtu.be
