Í gjár vóru seinna hálvan av dystunum í fyrsta umfari í HM 2022-undankappingini. Eins og fyrradagin var onkur stórtjóð, sum ikki fekk fult. Zlatan Ibrahimovic var aftur á vøllinum fyri Svøríki og málverjin hjá San Marino fær rós á Wembley.
Bólkur B:
Spania var stórfavorittur móti Grikkalandi, men tað spældi ikki so væl av, sum Luis Enrique og hansara menn ætlaðu. Álvaro Morata legði Spania á odda, men Anastasios Bakasetas javnaði upp á brotsspark í seinna hálveiki. Síðani fekk strilti at fáa mál og tað endaði 1-1.
Á Friends Arena var Zlatan Ibrahimovic aftur á svenska landsliðnum fyri fyrstu ferð í fimm ár. Hann átti eisini uppleggið, tá Viktor Claesson tíggju minuttir fyri hálvleik skoraði sigursmálið. Georgia trýsti móti dystarenda, men tað endaði við einum 1-0 sigri.
Støðan:
1. Svøríki 3
2. Spania 1
3. Grikkaland 1
4. Kosovo 0
5. Georgia 0
Bólkur C:
Italia kom væl frá byrjan við einum 2-0 sigri á Norðurírlandi. Longu í hálvleikinum var 2-0 við málum frá Domenico Berardi og Ciro Immobile. Miðverjin, Leonardo Bonucci, spældi sín landsdyst nummar hundrað.
Sveis hevur havt eitt sterkt landslið í nøkur ár. Tað sær út til at standa við, tí teir vunnu í gjár 3-1 í Bulgaria, sum tó ikki hevur nær námind somu styrki sum í 90unum. Breel Embolo, Haris Seferovic og Steven Zuber skoraðu málini.
Støðan:
1. Sveis 3
2. Italia 3
3. Litava 0
4. Norðurírland 0
5. Bulgaria 0
Bólkur F:
Hetta er bólkurin hjá Føroyum, sum fekk ein 1-1 javnleik móti Moldova í gjár. Málið skoraði inni skifti Meinhard E. Olsen. Hetta var hansara fyrsta mál fyri A-landsliðið. Fyrr á kvøldinum vann Danmark 2-0 á Ísrael. Martin Braithewaite og Jonas Wind skoraðu málini.
Mest spennandi dysturin mundi verða á Hampton Park, har Skotland fekk vitjan av Eysturríki. Tað endaði við javnleiki 2-2, men gestirnir mundu hava munin leikliga. Sasa Kalajdzic úr Stuttgart skoraði bæði málini fyri Eysturríki, sum Føroyar spæla móti sunnukvøldið.
Støðan:
1. Danmark 3
2. Føroyar 1
3. Eysturríki 1
4. Skotland 1
5. Moldova 1
6. Ísrael 0
Bólkur I:
Ongland tók á Wembley móti San Marino. Heimaliðið vann greiðan 5-0 sigur, men sigurin kundi verið væl størri, um ikki málverjin hjá San Marino, Elia Benedettini, ikki spældi framúr væl. Hann hevur eftirfylgjandi fyri nógv rós á bretsku miðlunum á sosialu miðlunum fyri sítt avrik. Dominic Calvert-Lewin skoraði tvey, meðan Ollie Watkins úr Aston Villa fekk mál í sínum fyrsta landsdysti.
Andorra tapti tepurt fyri Albania á heimavølli. Úrslitið bleiv 1-0 til Albania. Í triðja dystinum í bólkinum endaði tað 3-3 millum Ungarn og Pólland.
Støðan:
1. Ongland 3
2. Albania 3
3. Ungarn 1
4. Pólland 1
5. Andorra 0
6. San Marino 0
Bólkur J:
Týsklandi greiddi sín setning, tá Íslandi kom á vitjan. Heimaliðið vann 3-0. Málini skutu Leon Goretzka, Kai Havertz og Ilkay Gundogan. Rumenia vann 3-2 á Norðurmakedónia, meðan Armenia vann tepan 1-0 sigur á Liktenstein. Avgerandi málið komm sjey minuttir fyri tíð, og talan var um sjálvmál.
Støðan:
1. Týskland 3
2. Rumenia 3
3. Armenia 3
4. Liktenstein 0
5. Norðurmakedónia 0
6. Ísland 0
