Enn einaferð hevur Súni í Hjøllum á Toftum flett nakrar óvanliga stórar og góðar veturgamlar veðrar.
Tað er einki óvanligt hjá honum, at onkur - ella fleiri - veturgamlir fara væl upp um tey 100 pundini.
Og soleiðis er árið í ár einki undantak.
Um dagarnar flettu Súni í Hjøllum og hansara fólk tríggjar veturgamlar veðrar. Hesir vigaðu ávikavist 138, 117 og 94 pund.
Tað er ein øgilig vekt á veturgomlum seyði. Mangir eru nøgdir, tá veturgamal veðrur fer um tey 50 pundini.
Súni í Hjøllum, sum er borgarstjóri í Nes kommunu, hevur lagt myndir av stóru veðrunum út á sína Facebook-síðu.
##med2##
Onkur fylgjari spyr, hvat veðrarnir hava fingið at eta.
- Nógv! er stutta svarið hjá Súna í Hjøllum.
Ein annar fylgjari heldur fyri, at hasir eru væl passaðir.
- Flottir fýrar og sera góð vekt, sigur enn ein fylgjari á tráðnum hjá Súna í Hjøllum.
##med3##