Norska strandfaraskipið MS Nordlys hevur lagt seg næstan 22 stig á bakborð, og bjargingarmyndugleikarnir stríðast av øllum alvi við at bjarga skipinum.
Eldur kom í maskinrúmið á Nordlys gjáramorgunin, og seinni varð staðfest, at skipið lekur. Løgreglan segði á tíðindafundi í morgun, at serlig útgerð er komin til Ålesund, har skipið liggur, og at ætlanin er at lata fýra menn fara umborð at royna at tryggja skipið.
Aftenposten skrivar, at myndugleikarnir meta tað sera álvarssamt, at skipið hevur lagt seg meiri enn 20 stig, men at teir tó framvegis hava vónir um at fáa tað aftur á rættkjøl og at bjarga tíð.
