Tey, ið hava keypt sær makrelsalat frá REMA1000, burdu hugt eina ferð aftrat eftir bakkanum. Heilsufrøðiliga Starvsstovan boðar frá, at Reitan Distribution A/S afturkallar bakkar av makrelsalati, sum er selt í Føroyum.
Makrelsalatið kann gerða, og har er vandi fyri, at har er histamin í. Gerðing ger, at vøran ikki er egna til matna fyri menniskju. Tá tað er nóg nógv histamin í mati, kann mann fáa bráðfeingis sjúkueyðkenni, sambært Heilsufrøðiligu Starvsstovuni.
Hetta er vøran:
Talan er um REMA1000 makrelsalat i bæger.
Nettoinnihald: 300 g
Framleiðsludagfesting: 17/12/2018, 18/12/2018 og 21/12/2018 (Rætting: Áðrenn stóð 2019 í staðin fyri 2018)
Heldur sær í minsta lagi til: 11/02/2019, 12/02/2019 og 15/02/2019
EAN nr.: 5705830500151
Heilsufrøðiliga Starvsstovan mælir keyparum av vøruni til at beina vøruna burtur ella lata hana aftur, har ið hon er keypt.
