Yvirhøvur eru Føroyar bygdar fram við sjóvarmálanum og ongastaðni er tað serliga langt til sjógvin. Men nú hevur Umhvørvisstovan roknað seg fram til, hvat tað innasta punktið í landinum, er. Hetta er sostatt tað staðið í landinum, sum er longst frá havinum
##med2##
Og tað punktið er í Norðstreymoy á fjallinum Lítla ímillum Vestmanna, Hvalvík og Saksun.Tá tú ert har, ber ikki til at koma longur inn í landið, sigur Umhvørvisstovan.
##med3##
Plássið er sunnanfyri Saksunardal, umleið 200 metrar eystanfyri hægsta stað á fjallinum Lítla, sum er 572 metrar høgt. Og akkurát haðani eru 5.330 metrar oman til sjógvin, og tað er sostatt tað longsta sum tað ber til at koma frá havinum í Føroyum.
##med4##
Har tað er næstlongst oman til sjógvin, er í Vágum, tí ert tú staddur á Høgaleiti við Vatnsoyrar, ert tú 4.600 metrar frá havinum.
