Í kvøld klokkan 19.30 verður fyrsta bríksl í steypafinaluni í U-21 kappingini. Tað eru B71 og ÍF, sum bresta saman á Tórsvølli, og undan finaluni er tað stórur spenningur bæði í Sandoy og í Fuglafirði.
Í B71 verður skipað fyri bussferð norður til Havnar, og tað verður heitt á allar B71 fjepparar um at vera í gulum og bláum, sum eru litirnir hjá B71.
Í Fuglafirði eru tveir bussar leigaðir at koyra suður við fjepparum, og tað verður heitt á fejppararnar um at vera reyðklødd. ÍF troyggjan er reyð.
Á veg ímóti finaluni hevur B71 vunnið 2-1 á útivølli ímóti EB/Streymi og 4-3 á heimavølli ímóti 07 Vestur.
Á veg ímóti finaluni hevur ÍF eftir longda leiktíð vunnið 3-2 á útivølli ímóti Skála og 2-1 á heimavølli ímóti B36.
B71 – ÍF: Leivur Zachariassen kl. 19.30 á Tórsvølli.
Steypakappingin millum U-21 lið hevur verið síðani 2018.
Vinnararnir hava verið hesir
2018 HB
2019 HB
2020 AB
2021 B36
2022 HB
2023 B36
##med2##