FCK er ógvuliga tætt við at spæla seg í Champions League-bólkaspælið, har teir vóru við í fjør, blivu nummar trý og spældu seg í 1/8-finaluna í Europa League.
Donsku meistararnir vunnu í gjár 4-1 ímóti FK Vardar úr Mekedonia, og við einum samlaðum 4-2-sigri er FCK nú einans ein dyst frá at spæla seg í Champions League-bólkaspælið.
Í morgin klokkan 12.00 verður lutakast um hvørji lið hittast í hesum sokallaða Play Off-umfarinum. Tað er greitt, at FCK kann møta hesum liðunum:
Slavia Prag (Kekkia)
Rijeka (Kroatia)
Hapoel Beer-Sheva (Ísrael)
Astana (Kasakstan)
Qarabag (Aserbadjan)
Fyrstu Play Off-dystirnir verða spældir 15. ella 16. august, meðan teir seinnu verða spældir 22. ella 23. august.
