Tey bæði fyrstu útlendsku nøvnini á country- og bluesfestivalinum vóru kunngjørd í Góðan Morgun Føroyar í morgun.
Fyriskipararnir av country- og bluesfestivalinum í Sørvági hava vent sær til Allan Samuelsen, countryfjeppara, at hjálpa sær at fáa tónleikarar á festivalin, og tað var hann, sum kunngjørdi fyrstu útlendsku gestirnar.
Talan er um Georgette Jones og Danni Leigh.
Georgette Jones sjálv er dóttir countrylegenduna Tammy Wynette. Hon hevur givð tríggjar fløgur út og syngur tað, sum verður mett sum meiri siðbundið country. Við Góðan Morgun sigur Allan Samuelsen, at hetta er tað slagið av country, sum teimum flestu dámar.
Danny Leigh er ein country hillbilliesangarinna, og Allan Samuelsen vónar, at hon fer at skapa lív á Dungasandi leygarkvøldið 11. juni.
Umframt hesi bæði útlendsku nøvnini kunngjørdi Allan Samuelsen at bæði íslendskir og svenskir bólkar vera á festivalinum í ár.
Ársins nýggi bólkur, Punjab, fer eisini at spæla í Sørvági, eins og Guðrun Sólja Jacobsen og countrykongurin sjálvur, Hallur Joensen.
