Tveir dystir vóru spældir í bestu kvinnudeildini fyrr í dag. Annar var oddadysturin á Skála, har EB/Streymur/Skála tók ímóti KÍ, meðan hin dysturin var í Gundadali millum B36 og ÍF/Víking.
Báðir dystirnir endaðu við sannførandi sigrum til heimaliðini.
Í dystinum millum B36 og ÍF/Víking var dysturin tikin uppá video, og samandráttur av dystinum er gjørdur.
Til ber at síggja samandráttin omanfyri. Málskjúttar hjá B36 í 5-0 sigrinum í dag vóru Ásla Johannesen, sum ikki skeyt færri enn fýra mál, umframt Sesilia Olsen, sum eisini fekk eitt mál.
