Í gjár fekk Swansea-venjarin, Paul Clement, sekkin í felagnum eftir at tað hevur gingið av skriðuni seinastu tíðina. Felagið er á aftasta plássi í Premier League, og tað eru fýra stig upp til bjargingina.
Tað eru sum vera man gitingar um hvør gerst nýggjur venjari. Fyribils er Leon Britton settur sum leikandi venjari inntil felagið finnur eina varandi loysn á venjarabonkinum.
Ryan Giggs hevur verið nevndur sum møguligur avloysari, men hann hevur í dag boðað frá, at hann ikki er áhugaður í starvinum. Seinast hann var til samráðingar, varð Bob Bradley settur.
Nógv bendir á, at Frank de Boer, sum fyrr í ár fekk sekkin sum venjari í Crystal Palace, gerst nýggjur venjari hjá Swansea. Eisini Tony Pulis, Ronald Koeman og Slaven Bilic eru góð boð, skal ein trúgva oddsum.
Favorittar at gerast nýggjur Swansea-venjari (sambært oddsum hjá SkyBet)
1. Frank de Boer (2,75)
2. Tony Pulis (5,00)
3. Slaven Bilic (6,00)
4. Ronald Koeman (8,00)
5. Leon Britton (9,00)
6. Louis van Gaal (11)
7. Aitor Karanka (21)
