Flytingargluggin í fleiri av stóru fótbóltsdeildunum kring heimin lat aftur í gjár, og tað er einki at taka seg aftur í, at ein ørgrynna av pengum vórðu brúktir.
Í Premier League hava ongantíð verið so nógvir pengar brúktir í januar, sum tað bleiv í januar í ár. Tað vísa útrokningar, sum BBC hevur gjørt saman við Deloitte's Sports Business Group.
Í januar í ár brúktu Premier League-feløg heili 3,65 milliardir krónur at keypa spælarar fyri. Hetta er fyrstuferð í Premier League-søguni, at hetta talið fer upp um 400 milliónir bretsk pund.
10 tey dýrastu spælarakeypini í Premier League í januar:
1. Virgil van Dijk – Southampton til Liverpool – 637 milliónir krónur
2. Aymeric Laporte – Athletic Bilbao til Manchester City – 484 milliónir krónur
3. Pierre-Emerick Aubameyang – Dortmund til Arsenal – 476 milliónir krónur
4. Henrikh Mkhitaryan – Manchester United til Arsenal – 306 milliónir krónur*
5. Alexis Sanchez – Arsenal til Manchester United – 306 milliónir krónur*
6. Cenk Tosun – Besiktas til Everton – 229 milliónir krónur
7. Lucas Moura – PSG til Tottenham – 195 milliónir krónur
8. Adrien Silva – Sporting Lissabon til Leicester – 187 milliónir krónur
9. Theo Walcott – Arsenal til Everton – 170 milliónir krónur
10. Guido Carrillo – Monaco til Southampton – 161 milliónir krónur
* Virðið á býtishandlinum
Kelda: Deloitte's Sports Business Group
