Her er skráin hjá Breiðablik í Europa Conference League

Søguskrivararnir í íslendskum fótbólti, Breiðablik sum hava Klæmint A. Olsen í hópinum eru í Europa Conference League komnir í bólk saman við Macca­bi Tel Aviv úr Ísrael, Gent úr Belgia og Zor­ya Luhansk úr Ukraina.

Samstundis sum íslendingar fegnast um, at Breiðablik gjørdist fyrsta íslendska liðið nakrantíð at vinna seg í eitt evropeiskt bólkaspæl er vandi fyri, at tveir av heimadystinum hjá Breiðablik mugu leikast uttanfyri Ísland.

Sambært skránni skal Breiðablik leika heimadystir 9. november og 30. november móti Gent og Maccabi Tel Aviv. Trupuleikin er, at Laugardalsvøllurin í Reykjavík hevur ikki hita í vøllinum. Tað hevur Tórsvøllur, og tí sleppur KÍ at spæla heimadyst móti Slovan Bratislava á Tórsvølli tann 30. november.

Talan kann tí gerast um, at Breiðablik fer at spæla sínar heimadystir í Noregi ella einum øðrum grannalandi. Og tað er eitt afturstig fyri Breiðablik og íslendskan fótbólt nú teir á fyrsta sinni taka lut í einum evropeiskum bólkaspæli. 

Dystarskráin hjá Breiðablik sær soleiðis út:

21. sept­em­ber: Macca­bi Tel Aviv – Breiðablik

5. okto­ber: Breiðablik – Zor­ya Luhansk

26. okto­ber: Gent – Breiðablik

9. nov­em­ber: Breiðablik – Gent

30. nov­em­ber: Breiðablik – Macca­bi Tel Aviv

14. des­em­ber: Zor­ya Luhansk - Breiðablik