John Petersen, venjari hjá A-landsliðnum við kvinnum, hevur sent boð eftir 30 spælarum til venjing á Tórsvølli mikudagin 22. juli. Fimm EM-undankappingardystir eru á skránni í heyst, skrivar Fótbóltssambandið.
Korona var júst komin til landið, tá A-landsliðið hjá kvinnum seinast var á vøllinum. Hetta var í venjingardysti móti Estlandi tann 9. mars. Úrslitið gjørdist javnleikur 1-1, og hetta skuldi samstundis vísa seg at gerast einasti landsdystur higartil í ár.
Men nú er gongd aftur komin á virksemið hjá kvinnulandsliðnum, og fyri framman liggja heili fimm EM-undankappingardystir, sum skulu spælast í heyst. Tveir verða á heimavølli, meðan tríggir dystir skulu spælast á útivølli.
Í hesum sambandi hevur landsliðsvenjarin, John Petersen úttikið ein bruttohóp við 30 spælarum til venjing á Tórsvølli mikudagin 22. juli. Av teimum eru tvær, ið spæla í donskum fótbólti.
Bruttohópurin:
Evy á Lakjuni, KÍ
Eyðvør Klakstein, KÍ
Sanna Svarvadal, KÍ
Birita Ryan, KÍ
Óluvá Joensen, KÍ
Julia Naomi Mortensen, HB
Sara S Lamhauge, HB
Jónvá Hentze, HB
Eyðgerð Mikkelsen, HB
Kára Djurhuus, HB
Sarita Mittfoss, HB
Lív A. Poulsen, HB
Jacoba Langgard, ÍVB
Marita á Fríðriksmørk, ÍVB
Hanna Højgaard, ÍVB
Mona Rasmusdóttir, ÍVB
Jensa Tórolvsdóttir, ÍVB
Hjørdis Nesá, ÍVB
Olga K. Hansen, B36
Hanna Jacobsen, B36
Elisabet Vang, B36
Heidi Sevdal, NSÍ
Monika Samuelsen, NSÍ
Unn Hvidbro, NSÍ
Mirjam Huneck, NSÍ
Margunn Lindholm, NSÍ
Birna Mikkelsen, EBS/Skála
Lea Lisberg, EBS/Skála
Ásla Johannesen, FC Nordsjælland (DAN)
Arnborg F. Lervig, Sundby BK (DAN)
Skráin:
18. sept. Føroyar – Norðurírland
22. sept. Føroyar – Hvítarussland
22. okt. Wales – Føroyar
26. nov. Norra – Føroyar
1. des. Norðurírland – Føroyar
Norra er fremst í bólkinum við 12 stigum. Nummar 2 er Wales við 8, og síðan koma Hvítarussland, Norðurírland og Føroyar við ávíkavist trimum, tveimum og ongum stig.
