Fraklendingar fingu tað helst lættari á Tórsvølli, enn teir høvdu stúrt fyri frammanundan.
Fyrsti málskjúttin í dystinum var Thierry Henry, og hann var nøgdur eftir avrikið leygadagin.
- Vit loystu okkara uppgávu í Føroyum, og nú mugu vit hugsa um næsta dystin ímóti Litava, segði Henry.
Henry kom við sínum 41. máli upp á javnt við Michel Platini sum toppskjútti á franska landsliðnum, og tað fegnaðist Henry um.
- Tað er ótrúligt. Platini er millum bestu spælararnar í fótbóltssøguni, og tí er tað ein serlig kensla at skora líka nógv mál sum hann, segði Henry.
