430 milliónir krónur. Tað fekk amerikanski listamaðurin "Beeple" fyri sítt listaverk "Everydays: The First 500 Days", sum bleiv selt á uppboðssølu í gjár.
Talan er um eitt sokallað krypto-listaverk. Hetta merkir, at tað ikki er eitt vanligt listaverk, sum mann kann hanga upp á veggin.
Listaverkið er nevniliga talgilt, og mann kann tí bara síggja tað á einari telefon, teldu ella øðrum tóli við einum skíggja.
Verkið er gjørt av óteljandi fílum, sum ger tað ógjørligt at kopiera verkið.
Eftir øllum at døma er krypto-list í menning, tí eftirspurningurin eftir slíkum verkum veksur.
Keyparin av listaverkinum "Everydays: The First 500 Days" er ókendur.
Listaverkið "Everydays: The First 500 Days" sær soleiðis út:
##med2##
