Helmingurin av sendingunum, sum vóru í íslendska ríkissjónvarpinum í fjør, var íslendskt senditilfar. Tað kom fram í sambandi við ein fyrispurning í Altinginum nú um dagarnar.
Í svarinum frá mentamálaráðharanum stóð, at 50,7 prosent av tilfarinum, sum sjónvarpið sendi í fjør, var íslendskt, 26,1 prosent var av amerikonskum uppruna, og 7,5 prosent var norðurlendskt tilfar. Orsakað av kappingarviðurskiftum vildi ráðharrin ikki upplýsa, hvat sjónvarpið rindaði fyri tað amerikanska og tað norðurlendska tilfarið.
