Um tú skalt gera big business, mást tú vera har tað hendir. Skalt tú gera business í USA, mást tú hava eitt amerikanskt telefonnummar, so fólk fáa fatur á tær og kunnu bjóða tær til ein frokost.
Tí soleiðis fyrigongur business í USA í stóran mun. At hittast, eta ein frokost saman og fáa eitt óbindandi prát er vanligasti hátturin at koma í samband við onnur og menna sína fyritøku upp á.
Málið hjá Vivino er at gerast størsta vínappin í heiminum, og tað er av stórum týdningi at vera í miðdeplinum, um tú vilt vera størst. Tú má vera har tað hendir, og har fólk, sum tú hevur tørv á at hitta, eru.
Soleiðis sigur Heini Zachariassen um orsøkina til, at hann valdi at flyta fyritøkuna og alla familjuna við trimum børnum til San Francisco í California í august 2013.
Ein mánaða áðrenn hevði íløgugrunnurin Balderton Capital valt at seta 10 milliónir dollarar í fyritøkuna hjá honum, Vivino.
Les samrøðuna við Heina í mikudags Sosialinum
