Turksiki Sultan Kosen hevur nú fingið heitið sum heimsins størsti maður, og tað heitið fær hann staðfest í teirri næstu útgávuni av metbókini hjá Guinness. Tann 27 ára gamli Sultan Kosen er tveir metrar og 47 centimetrar høgur, og harafturat hevur hann størri hendur og størri føtur enn nakað annað menniskja.
Frá handliðinum til ytsta snútan á longutong eru knappliga 28 centimetrar, og millum tað aftasta á hælinum og snútan á stórutá eru knappliga 37 centimetrar.
Tað merkir við øðrum orðum, at Sultan Kosen brúkar skógvar umleið nummar 60, skrivar Reuters.
