Heimið hjá spanska landsliðsáleyparanum, Alvaro Morata, varð fríggjakvøldið rænt av vápnaðum ránsmonnum. Hetta veit Daily Mail at siga.
Ránið hendið meðan Alvaro Morata var í Føroyum og spældi landsdyst á Tórsvølli, har spaniólar vunnu 4-1 á føroyingum. Alvaro Morata spældi inni allan dystin.
Í heiminum, sum er í La Moraleja í Madrid, vóru unnustan, Alice Campello, lítlu tvíburðasynirnir, Alessandro og Leonardo, og ein barnagenta.
Ránsmenninir hóttu seg til nakrar virðismiklar lutir áðrenn teir hildu til beins. Morata-familjan hevur enn ikki viðmerkt óhugnaligu upplivingina.
Alvaro Morata er 26 ára gamal og spælir dagliga við Atlético Madrid, hagar hann er útleigaður frá Chelsea.
Spania spælir í kvøld landsdyst ímóti Svøríki á Santiago Bernabeu heima í Madrid.
