Kunningarfundur um heildarætlanina fyri Karlamagnusarbreyt verður í Skúlanum við Løgmannabreyt mánakvøldið 19. oktobur kl.19.
Øll, sum ætla sær á fundin, skulu melda seg til, og tað fer fram á heimasíðuni hjá Tórshavnar Kommunu.
Heildarætlanin fyri Karlamagnusarbreyt byggir á talgildu borgaraluttøkuna, sum var herfyri. Tá komu inn 233 svar. Av hesum vóru 70 svar frá borgarum við Karlamagnusarbreyt, 127 svar frá borgarum í grannalagnum og 70 svar frá øðrum borgarum.
Hetta eru størstu trupulleikarnir:
- Vantandi parkering,
- Gøtu- og gonguleiðir
- Vegurin Karlamagnusarbreyt og ferðsla
- Vantandi fríðkaði øki til trivnað.
