Í morgin bresta B36 og HB saman í Formuladeildini. Í dag hittust næstbestu liðini hjá grannunum í Gundadali.
Undanframførsluna vann HB 2-0, eftir at tað eftir 1. hálvleik var málleyst.
Tróndur Sigurðsson skoraði bæði HB málini. Tað fyrra gjørdi hann miðskeiðis í 2. hálvleiki, eftir at innlegg var komið úr høgru, og tað seinna skoraði Tróndur, tá ið tað restaðu tíggju minuttir. Tróndur var í tí førinum púra tryggur, tá ið hann var einsamallur ímóti B36 málverjanum.
