Í fjør vann HB finaluna um løgmanssteypið ímóti B36 – eftir longda leiktíð og brotssparkskapping.
Á vegnum móti finaluni var eitt av mótstøðuliðunum KÍ. Tað var longu í fyrsta umfari, at KÍ 24. apríl hevði vitjan av HB, sum fór úr Klaksvík við 3-2 sigri.
Eftir stórsteypadystin í kvøld, sum HB vann 2-0 ímóti Víkingi, var lutur drigin um, hvør skal spæla ímóti hvørjum í fyrsta umfari í kappingini um løgmanssteypið.
Tað vóru Heðin Arge fyri Televarpið og Teitur Matras Gestsson fyrrverandi HB málverji, sum tóku sær av lutakastinum.
Og lutakastið lagaði seg soleiðis, at tað aftur í ár vera HB og KÍ, sum bresta saman í fyrsta umfari í kappingini um løgmanssteypið. Nú verður tað á ovara vølli í Gundadali.
Lutakastið ber við sær, at tað annaðhvørt HB ella KÍ longu í fyrsta umfari verður varpað úr steypakappingini.
Lutakastið bar eisini við sær, at tað í fyrsta umfari verður grannauppgerð í Eysturoy, tá ið Víkingur fær vitjan av NSÍ.
Tað er greitt, at í hvussu so er eitt felag úr lægri deild enn tí bestu fer at spæla fjórðingsfinalu, tí í fyrsta umfari hittast FC Hoyvík úr 2. deild og B71 úr 1. deild.
Fyrsta umfar
7. ella 9. apríl
FC Hoyvík – B71
Skála – TB
B68 – ÍF
Víkingur – NSÍ
AB – FC Suðuroy
HB – KÍ
07 Vestur – B36
Fjórðingsfinalan
21. apríl
##med2##
tv.fo
