Hóast Oddbjørn Joensen um vikuskiftið vann FM við HB, so er hann í dag ikki longur venjari hjá HB. Í hansara stað er komin Heðin Askham. Hetta kann tykjast løgið, men um hugt verður eftir søguni, so hevur HB havt fleiri venjarar enn Real Madrid.
Spanska stórfelagið er tiltikið fyri at hava ein heitan venjarastól. Sjálvt eitt Champions League heitið ella eitt spanskt meistaraheitið hevur ikki verið nokk at bjarga starvinum hjá venjarum sum Vicente del Bosque og Fabio Capello.
Í Føroyum hava vit eisini ein heitan venjarastól. Havnar Bóltfelag hevur havt fleiri venjarar enn Real Madrid síðani ár 2000. Real Madrid hevur havt 12 venjarar, meðan HB nú er komið upp á 14 venjarar og venjarapør síðani 2002.
Onkir hava verið tvær ferðir. Millum annað Julian Hansen, meðan Heðin Askham stóð á odda fyri einum dysti í 2007. Tann eini dysturin hjá Heðini Askham telur ikki við í samanteljingini.
Venjarar hjá HB síðani 2000:
2000-2002: Ion Geolgau
2002: Jóannes Jakobsen og Kári Nielsen
2003: Frank Skytte
2004-2005: Heine Fernandez
2005: Julian Hansen
2006-2007: Krzysztof Popczynski
2007: Albert Ellefsen
2008: Rúni Nolsøe
2008-2009: Sámal Erik Hentze
2010: Kristján Guðmundsson
2010-2011: Julian Hansen
2011-2012: Sigfríður Clementsen
2013: Oddbjørn Joensen
2014: Heðin Askham
Venjarar hjá Real Madrid síðani 2000:
2000-2002: Vicente del Bosque
2003-2004: Carlos Queiroz
2004: José Antonio Camacho
2004: Mariano García Remón
2004-2005: Vanderlei Luxemburgo
2005-2006: Juan Ramón López Caro
2006-2007: Fabio Capello
2007-2008: Bernd Schuster
2008-2009: Juande Ramos
2009-2010: Manuel Pellegrini
2010-2013: José Mourinho
2013- Carlo Ancelotti
