Hetta seinasta árið hevur stórur fólkavøkstur verið í Føroyum.
Men ein uppgerð, Hagstovan hevur gjørt, vísir, at tað er serliga til Havnar, at fólkið streymar.
Hagstovan sigur, at hetta seinasta árið er fólkatalið í Føroyum vaksið 743 fólk.
Men bæði í tali, og í prosentum, er nógv størsti vøksturin í Havnini, tí har er fólkatalið vaksið 387, ella 2,1 prosent.
Hetta er 52 prosent av fólkavøkstrinum fyri alt landið. Men í Tórshavnar Kommunu sum heild, er fólkatalið vaksið 412 fólk, og tað eru 55 prosent av øllum fólkavøkstrinum.
Í tali hevur næststørsti fólkavøksturin verið í Eysturoynni, har tað nú eru 138 fólk fleiri nú, enn fyri einum ári síðani.
Tað er ein vøkstur upp á 1,4 prosent, og nakað tað sama er fólkatalið vøkstur heur verið í Vágum og í Norðoyggjum, vaksið.
Í Sandoy var vøksturin minni, tí har hevur hann verið1,2 prosent. Og minst er fólkatalið hækkað í Suðuroy, har tað er vaksið 0,6 prosent.
– Men tað eru bert fáir mánaðir síðani at gongdin vendi frá eini minking til ein vøkstur, og sum nú tykist at halda sær, sigur Hagstovan.
Annars er fólkatalið vaksið í 21 kommunum, men í hinum kommununum stendur tað antin í stað, ella er tað minkað eitt vet.
