Á norðoyastevnu vóru tað vestmannadreingir umborð á Havfrúnni, sum vóru fyrstir á mál í barnaróðrinum. Tá vóru teir knappliga trý sekund frammanfyri Teklu úr Klaksvík.
Í dag verður róð á sundalagsstevnu í Kollafirði. Aftur í dag var Havfrúgvin fremst, og aftur í dag var Tekla næstfremst. Í dag var tað væl tættari millum Havfrúnna og Teklu. Tíðin hjá Havfrúnni var 02:48.09, og tíðin hjá Teklu var 02:48.11.
Tað vóru bara hesir báðir bátarnir, sum í dag kappaðust um fremsta plássið. Royndin Fríða, sum ikki var við á norðoyastevnu, var á triðja plássi í dag – tólv sekund aftanfyri Teklu.
| 1 | Havfrúgvin | 02:48.09 | ||
| 2 | Tekla | 02:48.11 | ||
| 3 | Royndin Fríða | 02:59.17 | ||
| 4 | Ørnin | 03:00.04 | ||
| 5 | Teistin | 03:08.00 | ||
| 6 | Ternan | 03:17.08 |
