Eftir kavarokið hesar báðar seinastu dagarnar, fingu vit ein skáa í dag – men hann var stuttur, tí longu seinnapartin brast hann á aftur.
Síðani eru koyrilíkindi alsamt versnað og nú hevur Landsverk eisini stongt Vestmannavegin, tí har rýkur so illa, at tey halda ikki tørn at grava.
Annars sigur Landsverk beint nú, klokkan 20.30, at tað er heldur ikki koyrandi til eysturbygdirnar á Sandoynni, og somuleiðis heldur ikki til Elduvíkar og Gjáar. Tað eru ring koyrilíkindir á Æðuvíkarvegnum, Millum Fjarða og á Eiðisvegnum.
Tað er nógv jarðrok á Fuglafjarðarvegnum og á Oyndarfjarðarvegnum. Og tað er ikki koyrandi á Selatraðarvegnum, til Syðradal á Streymoynni og til Gásadal. Teir eru givnir at grava á Oyggjarvegnum og sum heild eru koyrilíkindini vánalig í einum stórum parti av landinum.
Myndin vísir, hvussu tað sá út á Vestmannavegnum í kvøld, beint áðrenn teir stongdu vegin.
