Tað hevur verið rokfiskarí í Barentshavinum, og tí er einki at undrast á, at trolararnir gera skjótt av, tá ið teir eru heima og landa.
Hósdagin vóru Akraberg og Sjúrðarberg aftur í Føroyum. Akraberg landaði 900 tons í Fuglafirði, og Sjúrðarberg landaði 750 tons í Klaksvík.
Longu sunnudagin loysti Akraberg aftur av Fuglafirði. Skipari aftur henda túrin er Eyðun á Bergi.
Sjúrðarberg fór av vánni í Klaksvík á midnátt í gjárkvøldið. Skipari henda túrin er Rólvur í Norðnástovu.
Enniberg og Gadus eru í Barentshavinum. Veðrið er gott, og fiskiskapurin er framvegis góður.
