Aftur í nátt hevur løgreglan gjørt ferðmátingar, og hesa ferð vóru tey Millum Fjarða og máldu, hvussu skjótt bilarnir koyrdu.
Hetta er eitt vegastrekki, har bilførarar ofta koyra ov skjótt, so løgreglan er javnan har um vegir við ferðmátaranum.
Og heldur ikki í nátt var tað til fánýtis, tí fýra bilførarar vórðu tiknir fyri at koyra ov skjótt.
Teir koyrdu allir yvir 100 kilometrar um tíman, har tað er loyvt at koyra 80, og tríggir av teimum fingu eitt klipp í koyrikortið.
Men tann eini bilførarin koyrdu 115 kilometrar um tíman og hann missur koyrikortið treytað. Sostatt má hann upp til nýggja koyriroynd áðrenn tríggir mánaðir eru farnir. Og stendur hann ikki royndina, missur hann koyrikortið.
