Wayne Rooney fekk gongd á aftur málskjótingina, tá Manchester United um vikuskiftið vitjaði hjá Bolton. Manchester United vann dystin 4-0, og trý av málunum átti ungi áleyparin. Rooney hevði annars ikki fingið mál í tíggju dystum, og tí var trýstið á honum sera stórt. Manchester United er fremst í ensku Premier League. Chelsea eru ájavnir í stigum, eftir at teir um vikuskiftið vunnu 2-0 á útivølli móti Sheffield United.
