Høvi verður nú hjá føroyskum fyritøkum at fáa nøkur viljasterk og sera áhugað fólk í starvsvenjing í átta mánaðir.
Tað siga nøkur føroysk lesandi, sum lesa handilsøkonomi á Copenhagen Business Acadamy í Keypmannahavn.
Ongantíð áður hava so nógv søkt inn á handilsøkonomsútbúgvingina sum í 2012. Hetta bar við sær, at 80 prosent av teimum søkjandi ikki sluppu inn. Tey 120, ið sluppu gjøgnum nálareygað við lestrarbyrjan 2012, eru soleiðis tey dugnaligastu á CPS Business City í øllum førum hvørjum viðvíkir handilsøkonimi.
Tað er av hesi orsøk, at stríð verður millum fyritøkur at fáa næmingarnar at velja júst teirra fyritøku og hetta av góðari orsøk. Tá farið verður í starvsvenjing, hava tey lesandi staðið tann grundleggjandi ástøðiliga partin og hava lokið lærugreinar sum »organistation, erhvervsjura, intenational markedsføring, logistik,indkøb og erhvervs- og samfundsøkonomi«.
Á henda hátt hava handilsøkonomarnir fingið reiðskap og holla vitan til at greina spurningar á einum handilsøkonomiskum støði. Haraftrat fáa fyritøkurnar nøkur vitandi, viljasterk og sera áhugað fólk í starvsvenjing í átta mánaðir. So hevur tín fyritøka tørv á hesum starvsnæmingum innan sølu, marknaðarføring, logistik og innkeyp, sum ger mun í tíni fyritøku, so er tíðin komin til at leita eftir tínum starvsnæmingi, siga tey lesandi.
Í februar 2013 byrja handilsøkonomarnir at finna sína yndis fyritøku.
