Føroyski landsliðsmiðvallarin skiftur til danska AaB. Talan er um ein leigusáttmála, sum er galdandi fyri restina av árinum. AaB hevur møguleika at gera skiftið endaligt.
Hallur Hansson var fyrr í ár og vandi við Superligaliðnum og teir eru glaðir fyri tað teir sóu. Hallur Hansson byrjaði inni, tá Føroyar fyri kortum spældi venjingardyst móti Íslandi og hevur í ár spælt við HB.
- AaB hevur gjørt ein leigusáttmála við Hall Hansson. Avtalan inniber eisini, at AaB kann gera skiftið endalig tá leigusáttmálin gongur út, sigur Jákup Í Stórustovu, sum er umboðsmaður hjá Halli.
Hallur Hansson er fjórði føroyingurin í Aalborg felagnum. Undan honum hava Súni Olsen, Jón Rói Jacobsen og Pól Jóhannus Justinussen verið í felagnum.
