Frá klokkan 17.15 í dag kunnu tey, sum hava atgongd til sjónvarpsrásina Viasat Sport 1 síggja føroyska landsliðsspælaran, Hall Hansson og liðfelagar hansara í Vendsyssel FF dystast á útivølli í tí næstbestu donsku fótbóltsdeildini ímóti Viborg FF.
Viborg er greitt oddalið í næstbestu fótbóltsdeildini, meðan Vendsyssel liggur á fjórða plássi við 34 stigum, so heimaliðið er ein greiður favorittur í hesum dystinum, sum er dystur nummar 24 av 33 dystum hjá báðum liðum í næstbestu fótbóltsdeildini.
Støðan í oddinum í næstbestu donsku fótbóltsdeildini :
1. Viborg 50 stig
2. AGF 41 stig
-----------------
3. Lyngby 39 stig
4. Vendsyssel 34 stig
5. Horsens 33 stig
