Aftaná bert eitt stig í fýra teimum fyrstu dystunum eydnaðist tað í kvøld Hákuni West á Teigum og liðfeløgunum í Skanderborg Århus at vinna fyrsta sigurin á útivølli í bestu donsku hondbóltsdeildini.
Skanderborg Århus vann á útivølli 27-24 á Kolding. Í steðginum var Skanderborg Århus á odda 13-10.
Hákun West á Teigum gjørdi sítt við at skora fýra mál.
Skanderborg Århus hevur trý stig aftaná fimm teir fyrstu dystirnar í deildini hetta kappingarárið.
Fríggjakvøldið 30. september spælir Skanderborg Århus heimadyst móti Nordsjællandi.
