Tað gongur framúr væl hjá Hákuni West á Teigum og hansara liðfeløgum í EHF European League.
Í kvøld vann Skanderborg Århus sannførandi 37-31 sigur á ukrainska liðnum Motor Zaporozhye á útivølli.
Í steðginum var Skanderborg Århus á odda 21-16.
Hákun skoraði í kvøld seks mál uppá seks málroyndir. Thomas S. Arnoldsen gjørdist toppskjútti hjá Skanderborg Århus við 12 málum. Jonathan Møllerup skoraði níggju mál.
Skanderborg Århus hevur fýra stig fyri tveir teir fyrstu dystirnar.
22. november spælir Skanderborg Århus aftur á útivølli. Tá spæla Hákun og liðfelagarnir dyst í Portugal móti Aguas Santas.
