Gunnar Nielsen og Stjarnan eru nú nærri botninum enn oddinum. Íslandska meistaraliðið hevur torført við at verja heitið sum besta liðið í landinum.
Í gjár var Stjarnan á vitjan hjá FH, sum er oddalið í deildini. Her skoraði heimaliðið tvær ferðir í fyrra hálvleiki, og tvær ferðir í seinna hálvleiki.
Føroyski landsliðsmálverjin stóð allan dystin í máli. Hann verður ikki nevndur í samband við málini hjá FH.
Við ósigrinum er Stjarnan á sjeyda plássi við 20 stigum, meðan FH er oddalið við 36 stigum. Stjarnan er seks stig frá niðurflytingarstrikuni.
