Í morgin tekur Motherwell móti Inverness í skotsku Premier League. Seinastu dystirnar hevur Lee Hollis staðið í mál, men nú verður føroyski landsliðsmálverjin aftur at síggja millum stengurnar.
Gunnar Nielsen hevur havt ein minni skaða, men klárur til dystin í morgin. Hinvegin verður Lee Hollis, sum er kappingarneytin hjá Gunnari sum fyrsta val í málinum, ikki at síggja á vøllinum komandi mánaðin. Hann hevur brotið fingurin, skriva skotskir miðlar.
Motherwell liggur í løtuni á triðja plássi í skotsku Premier League. Trý stig eru upp til Aberdeen, sum liggur á øðrum plássi.
