Gullbrandur í Horni Øregaard slapp á vøllin tá 58 minuttir vóru farnir av útidystinum hjá Sandnes ULF móti Kongsvinger á útivølli í næstbestu norsku fótbóltsdeildini.
Kongsvinger vann dystin 3-1. Støðan var 3-1 tá Gullbrandur kom á vøllin. Øll málini í dystinum vóru skotin í fyrra hálvleiki.
Sandnes ULF kappast um enda millum liðini, ið eru millum nummar trý og seks. Hesi liðini sleppa at spæla Play Off dystir um rættin at flyta upp í bestu deildina.
Undan dystinum høvdu Sandnes ULF og Kongsvinger bæði 43 stig, men nú hevur Kongsvinger so fyrimunin.
Sandnes ULF er nummar seks í deildini við 43 stigum. Sandnes ULF er trý stig frammanfyri Ranheim og Sogndal, og fýra stig frammanfyri Mjøndalen, ið hevur Meinhard E. Olsen á liðnum.
Tveir dystir eru eftir at spæla í næstbestu deildini.
Komandi leygardag hevur Sandnes ULF torføran heimadyst móti Stabæk, ið er næstfremst í deildini við 54 stigum.
