Alfonso Portillo, fyrrverandi forseti í miðamerikanska landinum, Guatemala, varð í gjár sendur við flogfari til USA, har hann skal fyri rættin, tí hann er skuldsettur fyri at hava hvíttað yvir 400 milliónir krónur.
Vit síggjast, tí eg komi aftur, segði 61 ára gamli Portillo, beint áðrenn hann fór út í flogfarið.
Hann noktar seg sekan í øllum skuldsetingum og sigur talan vera um eina reina burturflyting, nú myndugleikarnir í Guatemala eru gingnir við til at útflýggja USA hann.
Alfonso Portillo, sum var forseti í Guatemala frá januar 2000 til januar 2004, var handtikin fyri trimum árum síðani, eftir at ein dómstólur í New York hevði sent út boð um, at hann skuldi takast.
