Í dag, mánadagin 12. juni, verður øktur aktivitetur í ferðsluni frá havnalagnum í Miðvági til grótbrotið í Sandavági.
Tað siga tey í Vága kommunu í dag.
Eitt farmaskip kemur inn á Miðvág við gróti og skervi, sum verður koyrt inn til grótbrotið í Sandavági.
Í Vága kommunu siga tey, at nógva koyringin verður í tímunum frá umleið klokkan 20 í kvøld og til umleið klokkan 06 í morgin árla.
- Í hesum tíðarskeiði kann væntast, at nógv koyring verður við stórum bilum á leiðini, verður lagt aftrat.
